СОС Медика Монголиа УБ Олон Улсын эмнэлэг нь 2004 онд байгуулагдсан бөгөөд дэлхийн 90 гаруй улсад үйл ажиллагаа явуулдаг “Олон Улсын Интернэйшнл СОС” байгууллагын менежмент, үйл ажиллагааны стандартын дагуу яаралтай тусламж, өрхийн эмнэлэг, хөдөлмөрийн эрүүл мэндийн үндсэн чиглэлээр эрүүл мэндийн тусламж үйлчилгээ үзүүлж, Монгол Улсын эрүүл мэндийн салбарт шинэ дэвшилтэд техник технологи нэвтрүүлэн, өндөр хөгжилтэй улс орны жишигт хүргэх зорилт дэвшүүлэн ажиллаж байна.

Зорьсон зорилтынхоо үр дүнд 2012 онд манай эмнэлэг нь олон улсын чанарын стандартын шаардлага хангаж ISO 9001:2015, ISO 45001:2018 чанарын менежментийн гэрчилгээ хүртсэн Монголын анхны хувийн хэвшлийн эрүүл мэндийн байгууллага болсон юм.

Мөн жил бүр манай эмнэлгийн бүхий л үйл ажиллагаа, үйлчилгээ түүний дотор эм хангамж, нийлүүлэлт, хадгалалт, борлуулалтын шат дамжлага бүр нь Олон улсын хөндлөнгийн хараат бус аудитын хяналт, шалгалтад хамрагдаж, чанарын дээд зэрэглэлийн үнэлгээ авч ирлээ.

Тус эмнэлэг нь гэрээт байгууллагууд, тэдний ажилтан албан хаагч, хувь хүмүүст гишүүнчлэлийн зарчмаар үйлчилгээ үзүүлдэг бөгөөд Монгол улсад суугаа гадаад улсын дипломат төлөөлөгчийн газрын болон Олон улсын байгууллагын ажилтнууд мөн түүнчлэн уул уурхайн томоохон компанийн гадаад, дотоодын мэргэжилтнүүд гол төлөв гишүүнээр элсэн эрүүл мэндийн үйлчилгээ, тусламж авдаг.