СОС Медика Монголиа УБ олон улсын эмнэлэг нь хувь хүмүүст болон Монгол улсад үйл ажиллагаа явуулж байгаа төрийн болон төрийн бус, олон улсын байгууллагын ажилчин албан хаагчдад, тэдгээрийн гэр бүлийн гишүүдэд үйлчилдэг.

Манай эмнэлгийн үндсэн үйл ажиллагааны чиг бол өрхийн эмнэлэг болон яаралтай тусламжийн үйлчилгээ бөгөөд 2010 оноос шүд, 2011 оноос нөхөн сэргээх болон уламжлалт эмнэлгийн тасгуудаа нээж амжилттай үйл ажиллагаагаа явуулж байна.
Компани, албан байгууллагын ажилчид, хувь хүн болон гэр бүлийн гишүүдэд өрхийн эмнэлгийн үйлчилгээ үзүүлэх ба яаралтай тусламж, дархлаажуулалт, эрүүл мэндийн урьдчилан сэргийлэх үзлэг, хугацаат үзлэг, шаардлагатай тохиолдолд орон нутаг болон хилийн чандад агаарын нүүлгэн шилжүүлэлт хийх болон бусад үйлчилгээнүүдийн үзүүлж байна.
Гишүүнчлэлийн хувьд “Интернэшнл СОС” байгууллагын олон улсад баримталдаг бодлогын дагуу манай эмнэлэг гишүүнчлэлийн хоёр төрлийн хөтөлбөрийг санал болгодог бөгөөд манай үйлчилгээг авахыг хүсэж буй хүн бүр сонголтоо хийн гишүүн болох боломжтой. Гишүүн болсноор тухайн хүн гишүүнчлэлийн хөтөлбөрт заасан тодорхой үйлчилгээнүүдийг үнэгүй болон хөнгөлөлттэй үнээр гишүүнчлэлийн хугацаандаа эдлэх бүрэн эрхтэй болно.

Манай хамтран ажилладаг салбарууд:

• Уул уурхай, эрчим хүчний салбарын байгууллага
• Элчин сайдын яамд
• Олон улсын сургуулиуд
• Төрийн бус байгууллага
• Олон улсын банк санхүүгийн байгууллага, бусад