Арвин туршлагатай, мэргэжлийн өндөр түвшинд бэлтгэгдсэн Монгол, гадаад эмч нар манай эмнэлгийн гол хөдөлгүүр юм.

Манай байгууллагад 120 гаруй ажилчин, албан хаагчид ажилладаг ба үүний талаас илүү хувь нь эмнэлгийн мэргэжилтнүүд: эмч, сувилагч, эм зүйч, лаборант, рентген техникч, дүрс бичлэгийн оношилгооны эмч нар байдаг бөгөөд тэдэнтэй хамтран манай маркетинг, захиргаа, туслах ажилчид өндөр түвшинд үйлчилгээ үзүүлэн ажиллаж байна.

Манай эмнэлгийн эмчилгээ эрхэлсэн захирал болох гадаад эмчийн хяналт дор долоо хоног бүр эмнэлгийн мэргэжлийн багийн мэргэжил дээшлүүлэх сургалтуудыг тогтмол зохион байгуулдаг. Үүнээс гадна "Интернешнл СОС" байгууллагын олон улсын хэмжээнд зохион байгуулагдаж буй сургалт семинаруудад ажилчдаа хамруулдаг. Бидний баримталдаг менежментийн гол зарчмуудын нэг нь байнгын сурч боловсрох, мэргэжил дээшлүүлэх, туршлага хуваалцахыг хэдийд ч дэмжин хэрэгжүүлдэгт оршдог юм.